Kama wewe unam-follow director wa video Nisher katika mitandao
ya kijamii, tayari utakuwa umekutana na teaser kadhaa za picha na
vipande vya video mpya na itakayokuwa ya kwanza kwa mwaka huu 2014
kutoka Nisher Entertainment, ya wimbo uliofanya vizuri mwaka jana wa
rappers ndugu Nikki wa Pili na Joh Makini ‘Nje Ya Box’.
Joh Makini amezungumza na Bongo5 leo na kuelezea mambo kadhaa kuhusu video hiyo,
Kuhusu nini mashabiki wao watarajie kutoka katika video ya Nje Ya Box tofauti na video zilizopita:
“Aah ina storyboard nzuri” alisema Joh,” ina mpangilio mzuri wa dress
code, nafikiri itakuwa one of our best videos ambazo tumewahi kufanya.
Naimani ni video bora kutokana na mandhari ya wimbo wake yenyewe yaani
siwezi kusema itakuwa bora kuzidi video zangu zote kwasababu kila video
nashoot kutokana na script ya wimbo…yaani kwa demo tu ambayo jamaa
alinitumia nikaiangalia naamini itakuwa moja ya videoz ambazo watu
watazifurahia sana. Tulitumia kama siku nne hivi kushoot, niliyeandika
script ni mimi hapa nikishirikiana na Nikki na G-Nako”
Upande wa gharama zilizotumika katika utengenezwaji wa video hiyo Joh
hakuwa tayari kutaja kiasi kilichotumika lakini amedai kuwa ‘Nje Ya
Box’ ndiyo video iliyowagharimu zaidi kupita video zao zote.
“Nahisi ni moja kati ya video ambazo zimetugharimu hela nyingi
kucompare na video zetu zingine kutokana na script ya wimbo na mandhari
ambazo zilikuwa zinatakiwa kutumika, location zingine ni za kulipia na
vitu kama hivyo.”
Mara nyingi mashabiki huwa hawafahamu changamoto ambazo huwa
zinawakuta wasanii wakati wa utengenezwaji wa video zao, Joh ameelezea
vikwazo walivyokutana navyo,
“Changamoto kubwa zaidi unakuta mnataka hotel flani kubwa ya kisasa
mnaenda pale mnonana na management lakini wanakuwa sio watu ambao
wanaelewa….halafu wanakuwa wanacharge hela kubwa kweli kushoot sehemu
ndogo tu ya video labda pengine wanajua si labda tunaingiza millions of
money katika huu muziki. Nyingine ni kuwafanya watu ambao wengine
mnaowachukua labda wa mtaani waweze kucheza kama vile script inasema
sababu utakuta wengine wanashangaa camera kwahiyo inachukua muda kweli
kuweza kuwa direct mpaka mpate picha the way ambayo mnaihitaji.” Alisema
member huyo wa Weusi.
Tumezoea kuona mara kadhaa baadhi ya wasanii wakubwa wakitoa
exclusive ya kazi zao kuonekana au kusikika katika kituo flani kabla ya
vituo vingine, Joh amesema kwa video hii hawana mpango wa kuifanya
exclusive kwa TV yoyote kabla ya kuanza kuonekana kwenye TV zote kama
ambavyo hufanywa na wasanii wengine.
“Hatutaifanya exclusive kwasababu exclusive kidogo tunaona inasumbua,
halafu inakuwa inaleta kama utabaka flani kitu ambacho si hatutaki.
Kwahiyo tutaisambaza tu kama kawaida yaani usambazaji ule wa kawaida
kwamba kama inaenda kwenye TV basi inaenda kwenye TV zote at the same
time, kama inaenda kwenye blogs kwenye net inaingia katika wakati mmoja.
Hizi exclusive bana unajua huku si ulaya unajua tena sisi wabongo, mtu
mwingine anaweza kuona mtu mwingine ameonekana bora kuliko yeye…we
unajua uko kwenye hii game kwa kipindi kidogo.” Alisisitiza mwamba wa
kaskazini.
Joh amesema kwasasa hawajaamua kama itaanza kuoneshwa kwenye mitandao
au TV au vyote kwa pamoja, lakini mpaka kufikia alhamisi ya wiki hii
watakuwa wameshaamua. Video ya ‘Nje Ya Box’ inatarajiwa kutoka Ijumaa ya
wiki hii January 24.
Msikilize hapa Joh akiizungumzia video ya Nje Ya Box
إرسال تعليق