Rais wa Zanzibar dk.Ali
Mohamed Shein ametoa changamoto kwa Watanzania kuzitumia
fursa za ujio wa kifimbo
cha malkia kwa Uingereza kutafuta namna bora ya kujiandaa
katika mashindano ya
kimataifa na kushinda.
Alisema wakati umefika wa
kurudisha vuguvugu la kupenda michezo na kushiriki kwa
kushinda na kubeba medali
katika mashindao yote ya kimataifa na kulileta taifa
heshma.
Dk.Shein alisema hayo
wakati akipokea kifimbo cha malkia Ikulu na baadaye kutembezwa
katika baadhi ya mitaa ya
Unguja ikiwemo Mji mkongwe.
Alisema wanamichezo
wanatakiwa kuandaliwa vyema na mapema ili kuweza kushiriki
katika mashindano ya
ngazi mbali mbali za kimataifa kwa mafanikio makubwa.
'Ni bahati mbaya sana
katika miaka ya hivi karibuni tumekuwa tukishiriki katika
mashindano mbali mbali ya
kimataifa ikiwemo Olimpiki bila ya kupata angalau medali
hata moja'alisema.
Alisema ujio wa kifimbo
hicho uibuwe changamoto ya wanamichezo kushiriki katika
mashindano kwa kujiamini
na kushinda huku akizitaka taasisi zinazoshughulikia
michezo hiyo nao kufanya
maandalizi ya mapema.
Naibu waziri wa habari
utangazaji na michezo Bihindi Hamad Khamis alisema ujumbe
mkubwa wa kificho cha
malkia ni kupambana na vitendo vya udhalilishaji wa kijinsia
kwa watoto ambavyo
vinarudisha nyuma maendeleo ya watoto.
Mapema balozi wa
Uingereza nchini Dianna Melrose alisema michezo ya Olimpiki ni
kielelezo cha watu na
wananchi wa jumuiya ya madola mshikamano wao.
Alisema ujumbe wa mwaka
huu umetolewa na mwenyewe malkia wa Uingereza wenye lengo la
kupambana na vitendo vya
udhalilishaji wa kijinsia na kuitaka jamii na familia
kukomesha vitendo hivyo.
Aidha rais wa Olimpiki
Tanzania Rashid Abdalla Gulamu alisema wakati umefika kwa
wanamichezo nchini kuiga
mfano na uwezo wa mwanariadha nguli Filbert Bayi ambaye
aliweza kuvunja rikodi ya
dunia huko New Zealand mwaka 1974 na kuliletea heshma
kubwa taifa la Tanzania.
'Tunawataka wanamichezo
kuonesha uwezo kama ule wa mwanariadha maarufu Tanzania
Filbert Bayi ambaye
rikodi yake haijavunjwa hadi Sasa Tanzania aliyoiweka huko
Christchurc New Zealand
miaka 40 iliyopita'alisema.
Baadhi ya watu maarufu
walioambatana na kifimbo hicho ni miongoni mwa mwanariadha
maarufu duniani raia wa
Kenya Kipchoge Keino ambaye alitamba
katika riadha duniani
kwa muda mrefu.
إرسال تعليق