Mrs Carter aka Blue Ivy Mama yupo
lawamani. Ipo hivi; kama umeiona video mpya ya wimbo Feeling Myself
ambao ni ushirikiano wa Beyonce na Nicki Minaj, utaona sehemu fulani
Beyonce akimwaga champagne kwenye hot tub.
Kwa bahati nzuri au mbaya ile sio
champagne ya kawaida tu kama zile ambazo mtu yeyote anaweza kununua
kutoka Dollar Store. Ni Ace Of Spades ambayo inagharimu Dola za
Kimarekani $20,000. Kwa bei ya leo ya masoko ya fedha duniani, hiyo ni
sawa na shilingi za kitanzania takribani milioni 41!
Kwa mujibu wa mtandao wa Gossip Cop,
imeshakuwa nongwa. Mashabiki wamefumuka mitandaoni wakiponda “kufuru”
hiyo kwa kusema chupa hiyo moja (kwa maana ya fedha) ingeweza kutumika
kuwasaidia watu kibao. Wanasema pesa hizo zingeweza kumsaidia mtu
masikini kupata mlo wake wa mchana nk.
Lakini kuna ambao wamejitokeza na
kumkingia kifua Beyonce kwa kusema ameshafanya mengi ya kusaidia jamii
na hivyo anaweza “kujiachia” kiaina. Wewe unasemaje? Unadhani ni sawa
kwa Beyonce kufanya kufuru hiyo au? Cheki video hapa
Post a Comment