HIVI NDIVYO 3 - 1 ZILIVYOPATIKANA KATI YA SIMBA NA AZAM

Mwadini Ali akiruka bila mafanikio kuokoa mpira uliopigwa na Felix Sunzu na kuipatia Simba bao la kusawazisha katika mchezo wa Ligi Kuu ya Vodacom Tanzania Bara, Uwanja wa Taifa, Dar es Salaam. Simba ilishinda 3-1.

Kocha wa Azam, Boris Bunjak na Msaidizi wake, Kali Ongala wakishuhudia kipigo

Azam wakipiga ndiki kabla ya mechi

Nahodha wa Simba, Juma Kaseja akisali kabla ya mechi

Picha na Bin Zubeiry( http://bongostaz.blogspot.com/)

Kaseja akishukuru baada ya sala

Salum Abubakr akipiga mpira

John Bocco akielea kushangilia baada ya kufunga

Bocco akichechemea baada ya kuumia

Salum Abubakar katikati ya wachezaji wa Simba, Jonas Mkude kulia na Okwi kushoto

Benchi la Azam

Shomary Kapombe akimdhibiti Samir Hajji Nuhu

Kaseja akiwapanga mabeki wake wakati wa kona

Kipre Tcheche akimtoka Paschal Ochieng

Samir Hajji Nuhu akitafuta mbinu za kumtoka Kapombe

Kapombe baada ya kumpokonya mpira Nuhu anaondoka nao

Okwi akitafuta mbinu za kumtoka Ibrahim Shikanda wa Azam

Juma Kaseja akisujudu baada ya Simba kusawazisha bao

Simba wakipongezana baada ya bao la pili

Mkude akimiliki mpira

Ochieng akizungumza na Kaseja

Ngassa anasafiri

Himi Mao Mkami akimtoka Mwinyi Kazimoto

SIMBA SC imezinduka kutoka kwenye wimbi la sare katika Ligi Kuu ya Vodacom Tanzania Bara, baada ya kufanikiwa kuichapa Azam FC mabao 3-1 kwenye Uwanja wa Taifa, Dar es Salaam.

Ushindi huo, unaifanya Simba izidi kujitanua kileleni mwa ligi hiyo kwa kufikisha pointi 22, baada ya kucheza mechi 10, wakati Azam FC inabaki nafasi ya pili kwa pointi zake 18, baada ya kucheza mechi tisa.

Mabao ya Simba leo yalitiwa kimiani na Emanuel Arnold Okwi mawili na Felix Mumba Sunzu Jr. moja, wakati la Azam lilifungwa na John Raphael Bocco ‘Adebayor’.

Hadi mapumziko, tayari Simba walikuwa mbele kwa mabao 2-1, Azam wakitangulia kufunga dakika ya nne, kupitia kwa Adebayor ambaye alimtoka beki Mkenya Paschal Ochieng na kumchambua Juma Kaseja.

Dakika mbili baadaye, Sunzu aliisawazishia Simba, akiunganisha kwa kichwa krosi maridadi ya Mrisho Khalfan Ngassa kutoka wingi ya kulia.

Okwi aliifungia Simba bao la pili dakika ya 40, baada ya kutokea kizaazaa langoni mwa Azam kufuatia mpira uliopigwa langoni mwa timu hiyo na Mwinyi Kazimoto.

Kipindi cha pili Simba walirudi na moto wao na iliwachukua dakika tano tu kuhitimisha karamu yao ya mabao, baada ya Okwi kuwainua tena vitini mashabiki wa Simba, akifumua shuti la umbali wa mita 19, baada ya kuwatoka mabeki wa Azam.

Mrisho Ngassa ndiye alikuwa nyota wa mchezo wa leo, kutokana na kuisumbua mno Azam, iliyomuuza kwa mkopo Simba miezi miwili iliyopita.

Simba SC; Juma Kaseja, Nassor Masoud ‘Chollo’, Amir Maftah, Paschal Ochieng, Shomary Kapombe, Jonas Mkude, Amri Kiemba/Ramadhan Chombo, Mwinyi Kazimoto, Felix Sunzu/Ramadhan Singano, Mrisho Ngassa/Christopher Edward na Emmanuel Okwi.

Azam FC; Mwadini Ali, Ibrahim Shikanda, Samir Hajji Nuhu, Said Mourad na Aggrey Morris, Abdulhalim Humud, Jabir Aziz/Abdi Kassim, Himid Mao/Kipre Balou, John Bocco ‘Adebayor’/Khamis Mcha, Kipre Herman na Salum Abubakar.

Katika mchezo uliotangulia, Azam B iliifunga Simba B 1-0, bao pekee la Kevin Friday dakika ya 56.

Kwenye Uwanja wa Sheikh Amri Abeid mjini Arusha, Yanga iliibuka na ushindi wa 1-0, bao pekee la beki Mbuyu Twite, hilo likiwa bao lake la tatu tangu ajiunge na timu hiyo kwenye ligi hiyo.

Kwa ushindi huo, Yanga imetimiza pointi 17, baada ya kucheza mechi 10 na inaendelea kusimama katia nafasi ya tatu.

Mechi nyingine za ligi hiyo leo ni kati ya African Lyon na Kagera Sugar Uwanja wa Chamazi, Dar es Salaam, Mgambo JKT na Prisons Uwanja wa Mkwakwani, Tanga na Ruvu Shooting dhidi ya Polisi Morogoro Uwanja wa Mabatini, Mlandizi.

Ligi hiyo itaendelea kesho kwa michezo miwili kati ya JKT Ruvu na Coastal Union Uwanja wa Chamazi, Dar es Salaam na Toto Africans dhidi ya Mtibwa Sugar Uwanja wa CCM Kirumba, Mwanza.