SIJIUZULU NG’OO, ASEMA ARSENE WENGER

ARSENE WENGER amesisitiza kuwa hajafikiria hata kwa sekunde moja suala la yeye kujiuzulu kuikochi Arsenal.

Kibarua cha Wenger kiliingia doa katikati ya wiki kufuatia kipigo cha 3-1 kutoka kwa Beyern Munich katika mchezo wa ligi ya mabingwa ikiwa ni pamoja na kutolewa na Blackburn kwenye kombe la FA.

Wenge, 63 anayejiandaa kumaliza msimu wa nane mfululizo bila taji lolote alijibu kwa hasira pale alipoulizwa mapema wiki hii kuhusu hatma yake.

Lakini jana katika mkutano wake na waandishi wa habari, akiwa amejaa utulivu Mfaransa huyo alisema ana utashi wa kuendelea kuitumikia Arsenal kuliko kipindi chochote kile.