Zimbabwe yakanusha kuiuzia Iran urani

Serikali ya Zimbabwe imekanusha madai kuwa imeiuzia Iran madini ya urani.

Kwa mujibu wa Shirika la Habari la Fars, afisa wa serikali ya Zimbabwe amekanusha ripoti ya gazeti la 'Times' la Uingereza ambalo lilidai kuwa Zimbabwe imetia saini mkataba wa kuiuzia Iran madini ya urani.

Naibu Waziri wa Madini Zimbabwe Gift Chimanikire amenukuliwa akisema nchi yake haijatia saini mkataba wowote wa kuiuzia Iran madini ya urani. 

Katika mahojiano na tovuti ya Bloomberg, Chimanikire alisema Zimbabwe haina uwezo wa kutosha wa kuhamishia urani katika nchi zingine. 

Ameongeza kuwa makubaliano yaliyotiwa saini na Iran yanahusu sekta mbalimbali za madini kama vile almasi n.k. Madini ya urani aghalabu hutumika katika vituo vya kuzalisha nishati ya nyuklia