Airtel yatoa meza na viti kwa walimu

 

Meneja wa Huduma za Jamii wa Airtel Tanzania, Hawa Bayumi (kushoto) akisalimiana na Diwani wa kata ya Msongola Bi. Angela Malembeka muda mfupi baada ya kukabidhi meza na viti kwa walimu wa shule ya msingi ya Kiboga iliyopo manispaa ya Ilala jijini Dar es salaam. Vifaa hivyo vilitolewa kwa niaba ya kampuni ya simu za mkononi ya Airtel.

Meneja wa Huduma za Jamii wa Airtel Tanzania, Hawa Bayumi (kushoto) akiteta jambo na Diwani wa kata ya Msongola Bi. Angela Malembeka muda mfupi baada ya kukabidhi meza na viti kwa walimu wa shule ya msingi ya Kiboga iliyopo manispaa ya Ilala jijini Dar es salaam. Vifaa hivyo vilitolewa kwa niaba ya kampuni ya simu za mkononi ya Airtel.

Meneja wa Huduma za Jamii wa Airtel Tanzania, Hawa Bayumi (kushoto) akiteta jambo na watoto wa shule ya msingi ya Kiboga iliyopo katika Manispaa ya Ilala jijini Dar es salaam muda mfupi baada ya kampuni ya simu za mkononi ya Airtel Tanzania kukabidhi meza na viti kwa walimu wa shule hiyo.

Meneja wa Huduma za Jamii wa Airtel Tanzania, Hawa Bayumi (kushoto) akisalimiana na Mwalimu mkuu wa shule ya sekondari ya Kiboga, Bw. Macmillan Ringo muda mfupi baada ya kukabidhi meza na viti kwa ajili ya walimu wa shule hiyo iliyopo manispaa ya Ilala jijini Dar es salaam. Vifaa hivyo vilitolewa kwa niaba ya kampuni ya simu za mkononi ya Airtel.

Kampuni ya simu za mkononi ya Airtel Tanzania imeendelea kuunga mkono juhudi za serikali katika kukuza sekta ya elimu nchini kwa kutoa msaada wa viti na meza za walimu kwenye shule mbalimbali hapa nchini.

 

Kampuni hiyo hivi karibuni imetoa meza 10 na  viti 10 kwa walimu wa shule ya msingi Kiboga iliyopo manispaa ya Ilala jijini Dar es salaam.

 

Akizungumza wakati wa kukabidhi vifaa hivyo Meneja wa huduma za kijamii kutoka Airtel Tanzania, Bi. Hawa Bayumi alisema kuwa Airtel inatambua vyema umuhimu wa sekta ya elimu nchini na umuhimu wa walimu katika ukuaji wa sekta hiyo inayotajwa na serikali kuwa moja kati ya sekta kubwa zinazotazamiwa kuleta matokeo makubwa.

 

“Airtel inatambua kuwa hakuna elimu iliyo bora bila mwalimu mwenyewe hivyo kwa kutoa motisha ya vifaa vya ofisi tunaamini kwamba tutaongeza ari na moyo wa kujituma kwa walimu hawa ili kupata matokeo makubwa sasa (BRN),” alisema Hawa.

 

Aliongeza kwa kusema kampuni hiyo imeshatoa vifaa tofauti tofauti kwa walimu na wanafunzi katika shule mbalimbali nchini na bado itaendelea kutoa michango yenye manufaa ili kuleta mafanikio makubwa katika sekta hiyo nchini.

 

“Airtel kupitia mradi wa Shule yetu tumeshatoa vifaa vingi kwa shule mbalimbali nchini kwa mfano hivi karibuni tulitoa meza na viti 108 kwa shule za msingi za Soga,Chalinze, Goba na Tegeta A zilizopo wilaya ya Kinondoni jijini Dar es salaam na Bagamoyo mkoani Pwani.” alisema Hawa.

 

Kwa upande wake, Diwani wa kata ya Msongola, Bi. Angelina Malembeka alisema anaishukuru sana Airtel kwa kutoa mchango huo kwenye kata yake huku akisema si makampuni yote yanayounga mkono sekta ya elimu nchini kama inavyofanya Airtel.

 

“Si tunaishukuru sana Airtel kwa kutambua umuhimu wa maendeleo ya sekta ya elimu nchini na kuamua kushirikiana na serikali katika kuleta maendeleo makubwa kwenye sekta hiyo.” alisema Bi. Malembeka.

 

Mwalimu Mkuu wa shule hiyo, Bw. Macmillan Ringo aliishukuru sana Airtel kwa kuendelea kutambua mchango wa walimu katika maendeleo ya sekta ya elimu nchini na jinsi elimu inavyoweza kulikomboa taifa.

 

“Airtel imetambua mchango wa walimu katika kuleta maendeleo hilo ndo jambo la msingi, Wametambua jinsi ambavyo elimu inaweza kupunguza matatizo mbalimbali kwenye jamii yetu likwemo la umasikini.Tunawaomba waendelee kuunga mkono sekta hii,” alisisitiza Mwalimu Ringo.

 

Mpaka sasa Airtel imemaliza kabisa matatizo ya viti na meza za walimu wa shule tano za msingi mkoani pwani na Dar es salaam.

Msaada huo ni muendelezo wa mpango wa airtel kusaidia kukuza elimu hapa nchini ambapo mwezi novemba mwaka jana kampuni hiyo imetoa vifaa vya maabara kwa shule moja katika kila mkoa wa kanda ya ziwa na Kigoma.