UKAWA: Umesema hatua zinazochukuliwa dhidi ya kashfa ya Escrow haziridhishi.

Umoja wa katiba ya wananchi (UKAWA) wamesema hatua zinazochukuliwa na serikali dhidi ya viongozi waliohusika na kashifa ya  akaunti ya Tegeta Escrow hairidhishi na kuahidi kupambana ili haki itendeke kwa maslahi ya watanzania.

Mwenyekiti wa chama cha NCCR mageuzi Mh.James Mbatia ameyasema hayo wakati akizungumza na wananchi wa jimbo la vunjo  katika mkutano wa hadhara na kusema kuwa tatizo la ufisada unaofanywa na viongozi wachache wa serikali limesababisha nchi kuyumba.

Amesema kwa pamoja vyama hivyo havijaridhishwa na hatua zinazochukuliwa dhidi ya viongozi husika kwa madai kuwa serikali inajichanganya kuhusu sakata hilo na kwamba bunge ndilo litakalomaliza mzozo huo kwa maslahi ya wananchi.

Kwa upande wake mbunge wa jimbo la Arumeru mashariki Mh.Joshua Nasar amesema umoja huo utahakikisha haki inatendeka kwa maslahi ya watanzania kwa madai kuwa nchi inakabiliwa na changamoto mbalimbali katika sekata ya elimu afya na ukosefu wa ajira kwa vijana wakati wapo watu wachache wanaonufaika na kodi za watanzania.

- ITV