Simba wakishangilia bao lao la kwanza katika mechi ya Ligi Kuu ya Vodacom Tanzania Bara dhidi ya Kagera Sugar leo, kwenye Uwanja wa Taifa, Dar es Salaam leo. Timu hizo zilitoka 2-2.

Simba wakishangilia bao lao la kwanza katika mechi ya Ligi Kuu ya Vodacom Tanzania Bara dhidi ya Kagera Sugar leo, kwenye Uwanja wa Taifa, Dar es Salaam leo. Timu hizo zilitoka 2-2.

Beki wa Kagera, Amandus Nesta akiokoa mbele ya Sunzu

Nesta akimdhibiti Haruna Moshi wa Simba

Benjamin Effe akimdhibiti Mrisho Ngassa

Kipa wa Simba, Juma Kaseja akupangua mpira uliopigwa langoni mwake

Benjamin Effe akipiga shuti linalookolewa na Mwinyi Kazimoto

Kocha Mkuu wa Kagera, Abdallah Athumani Seif 'Kibadeni' kulia akiwa na Msaidizi wake, Mrage Kabange

Kikosi cha Kagera Sugar leo

Kikosi cha Simba leo

Mrisho Ngassa akimtoka Daudi Jumanne wa Kagera Sugar

Nesta na Sunzu ilikuwa shughuli leo

Daktari wa Simba SC, Cossmass Kapinga akimtibu Sunzu

Salum Kanoni akilalamika kwa refa, Ronald Swai kutoka Arusha

Ngassa akitafuta mbinu za kumpokonya mpira Martin Muganyizi wa Kagera Sugar 

Bao la kwanza la Kagera

Benjamin Effe (23) akimpongeza Themi Felix kufunga bao la kwanza la kagera. Kulia na Kanoni

Juma Nyosso alipomuangusha Paul Nwai ndani ya eneo la hatari na kusababisha penalti

Kanoni anafunga kwa penalti, Kaseja ameangukia kulia, mpira kushoto kwake 

Hatari kwenye lango la Simba SC 

Emmanuel Okwi akisababisha kwenye lango la Kagera, lakini Kanoni amelala na kutoa nje mpira

Hatari kwenye lango la Kagera

Hatari kwenye lango la Kagera

Kipa wa Kagera Andrew Ntale akiwa chini baada ya kuumizwa  

Ntale akifurahia sare baada ya filimbi ya mwisho

SIMBA SC imetoa sare ya pili mfululizo katika Ligi Kuu hya Vodacom Tanzania Bara, baada ya kutoka 2-2 na Kagera Sugar jioni hii kwenye Uwanja wa Taifa, Dar es Salaam.

Kwa matokeo hayo, Simba imefikisha pointi 18 na kuendelea kuongoza Ligi Kuu, kutokana na Azam FC kulazimishwa sare ya bila kufungana na Prisons kwenye Uwanja wa Sokoine mjini Mbeya.

Hadi mapumziko, Simba SC walikuwa mbele kwa bao 1-0, lililotiwa kimiani na mshambuliaji wa kimataifa wa Zambia, Felix Mumba Sunzu Jr. dakika ya nane, akiunganisha kwa kichwa krosi ya Nassor Masoud ‘Chollo’ kutoka wingi ya kulia.

Kwa ujumla kipindi cha kwanza timu zote zilishambuliana kwa zamu, ingawa ni Simba walioonekana kufanya mashambulizi ‘yenye akili’ zaidi.

Kipindi cha pili Simba ilirudi na moto tena na katika dakika ya 51, Mrisho Khalfan Ngassa aliifungia timu hiyo bao la pili kwa shuti kali lililowababatiza mabeki wa timu hiyo na kutinga nyavuni.

Hilo lilikuwa bao la tatu kwa Ngassa tangu ajiunge na Simba katika mechi tisa alizoichezea timu hiyo ya Mtaa wa Msimbazi.

Baada ya hapo, Kagera walizinduka na kuanza kulishambulia lango la Simba kupitia pembeni na katika dakika ya 64 Themi Felix aliunganisha kwa kichwa krosi ya George Kavilla na kuifungia Kagera bao la kwanza.

Bao liliwazindua Kagera, ambao waliongeza kasi ya kulishambulia lango la Simba na katika dakika ya 66, Juma Nyosso alimkwatua kwenye eneo la hatari Paul Ngwai na Salum Kanoni akaenda kumtungua Juma Kaseja, akiisawazishia Kagera.

Baada ya hapo timu zilianza kushambuliana kwa zamu na mpira ulinoga zaidi kutokana na mashambulizi ya pande zote mbili.

Katika mechi nyingine, Mgambo imeshinda mechi ya tatu mfululizo, baada ya kuifunga Toto African 2-0 kwenye Uwanja wa Mkwakwani, Tanga. JKT Ruvu imezinduka baada ya kuifunga Polisi Morogoro 2-0 kwenye Uwanja wa Jamhuri, Morogoro na JKT Oljoro imetoka 0-0 na African Lyon.

Simba SC; Juma Kaseja (Nahodha), Nassor Masoud ‘Chollo’/Uhuru Suleiman, Amir Maftah, Paschal Ochieng, Juma Nyosso, Mwinyi Kazimoto/Edward Christopher, Amri Kiemba, Haruna Moshi/Jonas Mkude, Felix Sunzu, Emmanuel Okwi na Mrisho Ngassa.

Kagera Sugar; Andrew Ntala, Salum Kanoni, Martin Muganyizi, Amandus Nesta (Nahodha), Benjamin Effe/Themi Felix, Malegesi Mwangwa, Daudi Jumanne/Kamana Salum, George Kavilla, Shijja Mkinna, Enyinna Darlington na Wilfred Ammeh/Paul Nwai.

Katika mchezo wa awali, Simba B iliifunga Moro United mabao 3-0 katika mchezo wa utangulizi kabla ya mechi ya Ligi Kuu ya Vodacom Tanzania Bara kati ya Simba na Kagera Sugar, Uwanja wa Taifa, Dar es Salaam.   

Mabao ya Simba B inayofundishwa na Suleiman Matola, akisaidiwa na Amri Said ‘Stam’ yalipatikana yote kipindi cha pili, wafungaji Ramadhan Salum dakika ya 65 na 70 na Miraj Athumani dakika ya 85.  Moro United inajiandaa na Ligi Daraja la Kwanza, inayotarajiwa kuanza Oktoba 24, mwaka huu.

Chanzo:- Bin Zubeiry

Ngassa baada ya mechi