UEFA: MOYES MAJARIBUNI, APANGIWA BAYERN, BARCA VS ATLETICO MADRID, REAL MADRID VS DORTMUND….!!

.

DROO ya robo fainali ya ligi  ya mabingwa barani Ulaya imekalimika muda mfupi uliopita ambapo Manchester United wameangukia mikononi mwa mabingwa watetezi wa kombe hilo  Bayern Munich.

Timu pekee nyingine ya England  iliyosalia UEFA, Chelsea yenyewe imepangiwa  mabingwa wa Ufaransa,  Paris Saint-Germain baada ya chungu kuzungushwa na nyota wa zamani wa Ureno Luis Figo.

FC Barcelona imepangwa kuumana na  timu iyocheza nayo ligi moja, Atletico Madrid, wakati Real Madrid wataoneshana kazi dhidi ya wakali wengine wa Bundesliga,   Borussia Dortmund.

Mwari huyo!: Kombe la ligi ya mabingwa barani Ulaya likiwa limewekwa  Nyon, Switzerland wakati wa droo mchana huu

Wamevurugwa: Wayne Rooney na  Manchester United watautafuna mfupa wa Bayern Munich?

 DROO YA ROBO FAINALI IMEMALIZIKA HIVI

Barcelona vs Atletico Madrid

Real Madrid vs Borussia Dortmund

Paris Saint-Germain vs Chelsea

Manchester United vs Bayern Munich

Mechi za kwanza zitachezwa mwezi wa nne tarehe 1 na 2, wakati mechi za marudiano zitapigwa mwezi wa nne tarehe 8 na 9.

David Moyes alifuzu kwa juhudi kubwa baada ya kushinda mabao 3-0 dhidi ya  Olympiacos  dimba Old Trafford ambapo mechi ya kwanza nchini Ugiriki alipigwa 2-0. Lakini sasa amepewa kazi nyingine ngumu zaidi kama anataka kufuzu nusu fainali.

Moyes ambaye bado yupo katika msongo wa mawaza kufuatia kipiga cha 3-0 kutoka kwa Liverpool wiki iliyopita, atakutana na kocha wa zamani wa Barcelona, Pep Guardiola ambaye sasa yupo Allianz Arena.

Bayern ambao waliwatupa nje Man United mwaka 2010 walikuwa wa kwanza katika kundi lao lililokuwa na klabu za Manchester City, CSKA Moscow na Viktoria Plzen.

Amefurahi? Samuel Eto’o na Chelsea yake wameliwatoa  Galatasaray baada ya kuwafumua mabao  2-0  uwanjani  Stamford Bridge hatua ya 16.

 Vijana wakubwa: Nyota wa Real Madrid,  Cristiano Ronaldo (kulia) na Gareth Bale wanatafuta kombe lingine

 Mabingwa watetezi!: Bayern Munich walifuzu robo fainali baada ya kuwalowesha Arsenal

Hatari sana!: Zlatan na Paris Saint-Germain yake walifuzu baada ya kuwatoa  Bayer Leverkusen 

Usitusamehe: Lionel Messi na Barcelona yake waliwatungua  Manchester City na kufuzu robo fainali

PICHA NA SPORTSMAIL