Wakala wa Maharamia afungwa Marekani

Mohammad Saaili Shibin akipelekwa kuanza kifungo

Raia mmoja wa Somali ambaye alikuwa ajenti wakati wa mzungumzo kuhusu kuachiliwa kwa mateka wa Marekani amefungwa miaka 12 nchini marekani.

Mohammad Saaili Shibin alipatikana na hatia mwezi wa April kwa makosa ya Uharamia, utekaji nyara wakati wa mshua ya kifahari ya SV Quest ilipotekwa nyara na maharamia wa Kisomali karibu na Oman.

Mkuu wa mashitaka aliambia mahakama kuwa Shibin alipokea kiasi cha dola $30,000 (£18,475) kwa kazi yake ya uajenti wa maharamia.

Mateka wote wa Kimarekani waliokuwa ndani ya chombo hicho walipigwa risasi na kuuwawa.

Katika mahakama ya Norfolk, mjini Virginia, Jaji Robert Doumar aliamuru Shibin atumike vifungo 10 vya maisha gerezani , lakini vifungo hivyo viende sambamba.

Wakala huyo wa Maharamia pia aliamriwa alipe faini ya dola milioni $5.4m ili kufidia waliopata hasara kutokana na mkasa huo.

"Mohammad Shibin ni mshiriki mkuu katika kisa hiki kibaya zaidi cha uharamia ambacho kimewahi kushuhudiwa katika enzi hii" alisema mkuu wa mshitaka Neil MacBride.

Mahakama hiyo iliambiwa jinsi Shibin alitafiti katika mtandao kujua undani wa mateka hao wa kimarekani ili kukadiria kima cha pesa wanazoweza kulipa kama kikombozi.

Wakati wa kusikilizwa kwa kesi hiyo pia mahakama ilisikia jinsi Shabin alifanya juhudi za kwatafuta jamii ya mateka hao ili kuwaambia pesa maharamia wanazodai kama kikombozi.

Shibin alikamatwa na shirika la kijasusi la Marekani FBI wakishirikiana na wanajeshi wa Marekani ndani ya Somalia mwezi Aprili,2011.

Wakili wake amesema watakata rufaa.

Chanzo:- BBC Swahili