Sikutaka Kupelekwa Napoli, Liverpool Walifanya Siri - Pepe Reina

 

Pepe Reina amefunguka kuhusu uhamisho wake kwa mkopo kutoka Liverpool mpaka Napoli nakusema hakutaka kabisa kwenda huko. Kupitia barua ya wazi aliyo tuma kwenye mitandao tofauti . 

Pepe kasema alishaomba kuongezewa mkataba Liverpool na kama ingeshindikana basi angekwenda Barcelona ila sio Napoli. Kipa huyu wa timu ya taifa ya Spain amefunguka kuwa hakujua kabisa kuhusu makubaliano ya kwenda Napoli mpaka mikataba ilipokamilika ndio akapewa taarifa, hakupata nafasi yakutoa maamuzi yake.

Pepe aliendelea kusema kuwa angependa sana Liverpool wasikilize dili waliyopewa na Barcelona kuliko kufanya maamuzi yao wenyewe bila kumhusisha yeye.

Pepe alimaliza kwa kusema hakupata nafasi ya kuaga watoto wake vizuri kwani safari na uhamisho ulikuwa ghafla tu, kitu kilicho shangaza watoto na familia yake.