ARSENAL NA MAN CITY PATAMU KILELENI, ZAZIFUMUA FULHAM NA CARDIFF

SANTI Cazorla amefunga mara mbili wakati Arsenal ikiifunga Fulham na kubaki kwenye usukani wa Premier League, huku Manchester City nayo ikiishindilia Cardiff 4-2 na kuandika rekodi ya kuvuka mabao 100 katika mshindano yote msimu huu.

Fulham waliwachanganya Gunners na kukaribia kufunga wakati shuti ya Steve Sidwell ilipookolewa kabla Cazorla kufunga mara mbili dakika ya 57 na 62 kuipa ushindi Arsenal nyumbani Emirates.

 Cazorla baada ya kutupia bao la kwanza

Cazorla akishangilia bao la pili

Wenger akiwapa dole wachezaji wake

Nyota wa zamani wa Arsenal Thierry Henry alikuwepo uwanjani

Kipa wa Arsenal Szczesny akamzawadia shabiki jezi yake

Kwenye dimba la Etihad, Edin Dzeko alifunga kwa shuti ya karibu kuipa City bao la kuongoza dakika ya 14 likiwa la 100 katika mashindano yote msimu huu, ingawa Cardiff ililalamika kama mpira kwanza ulishikwa na David Silva.

Edin Dzeko akifunga moja kati ya mabao manne ya City

Navas naye akishangilia goli lake kiaina

Craig Noone aliisawazishia Cardiff dakika ya 29, lakini Jesús Navas, Yaya Toure na Sergio Aguero waliimarisha uongoz wa mechi kabla Fraizer Campbell kuwafungia wageni bao la pili dakika mwisho.

Arsenal iko mbele ya Manchester City kwa pointi moja na zimekuwa zikifukuzana kwa kasi ya ajabu, ni wazi kuwa kuteleza kidogo tu kwa mmoja wao kunaweza kumgharimu kula vumbi hadi mwishoni mwa msimu.