Baada ya kuachia kazi yake ya kwanza tangu asaini mkataba na
Sony Music Africa, mwishoni mwa mwaka jana, muimbaji wa muziki wa injili
Rose Muhando amezungumza na Bongo5 kuhusiana na sababu za ukimya wake
na jinsi maisha yake yalivyobadilika tangu awe chini ya label hiyo.
Kuhusu wapi alipokuwa baada ya kusaini mkataba
Muda wote kwanza nilikuwa nafanya recording, nilikuwa nafanya
taratibu sana na nilifanyia South Africa. Nilikuwa naenda narekodi
nyimbo chache narudi kupumzika halafu baadaye tena nakwenda. Lakini pia
mixing ndo ilichukua muda mrefu, kujipanga baadaye nikafanya video
mbili. Sisi huku tumeshazoea unaweza wiki moja tu umefanya video
imeshaisha kila kitu lakini wenzetu wana utaratibu tofauti na sisi
ambavyo tumezoea.
Tofauti anayoiona sasa baada ya kusaini na Sony Music
Bado ni yule yule muimbaji lakini utofauti wangu ni kwamba nafanya kazi kimataifa zaidi.
Kuhusu kupendwa sana nchini Kenya
Inanipa ishara ya kwamba nakubalika na muziki wangu unakubalika na ishara ya kupendwa kwamba wananipenda. Sio kwamba kwetu hawanipendi, wananipenda sana sababu chanzo cha kupendwa kule ni kwamba imetokea kwetu jinsi watu walivyonipokea wamenipenda. Nikiwa Kenya siwezi kuona nyumbani ni wapi, ni huku ama ni huku! Kote naona nipo nyumbani, sijisikii utofauti wowote.
Inanipa ishara ya kwamba nakubalika na muziki wangu unakubalika na ishara ya kupendwa kwamba wananipenda. Sio kwamba kwetu hawanipendi, wananipenda sana sababu chanzo cha kupendwa kule ni kwamba imetokea kwetu jinsi watu walivyonipokea wamenipenda. Nikiwa Kenya siwezi kuona nyumbani ni wapi, ni huku ama ni huku! Kote naona nipo nyumbani, sijisikii utofauti wowote.
Kuhusu nyimbo zitakazofuata baada ya Wololo
Kuna nyimbo nyingi, kuna ‘Uko Juu Sana’ ni wimbo wa kuabudu, wimbo wa
pole pole sana. Upo mmoja unaitwa Hallelujah Hosana. Nyingine nimefanya
kazi na waimbaji wa South Africa wawili mmoja Solomon Keke na mwingine
anaitwa William Sejake. William Sejake nimeimba naye wimbo mmoja mzuri
sana, Hallelujah Hosana. Mimi nimeiamba Kiswahili yeye ameimba Kizulu na
kuchanganya na lugha ya Khosa.
Kuhusu maisha yalivyo kuwa chini ya Sony Music
Maisha yanakuwa mazuri, kwanza heshima yangu imeongezeka. Mungu
akikuinua kwenda kwenye utukufu mwingine basi na heshima pia
inaongezeka. Lakini pia natapata ushauri tofauti, vitu vingi nafanyiwa
sifanyi mwenyewe, kama vile nilikuwa nahangaika nikatufute mtu wa
kunitengenezwa nywele, nikatafute mtu wa kuninunulia nguo, hiyo kitu
hakuna kwa sasa, kila kitu nafanyiwa isipokuwa tu eneo la muziki ndo
mwenyewe nasimama kama mimi sababu hilo ndio eneo langu.
Kuhusu anachowaambia mashabiki wake
Mashabiki wangu na wapenzi wa muziki wa injili mimi naomba wanisubiri kwa hamu sana kwamba nilivyo sasa nina mabadiliko makubwa
إرسال تعليق