Furaha, pressure, ukumbi kujaa kuliko alivyotarajia na surprise
kutoka kwa kaka yake Diamond Platnumz kwenye ukumbi wa Bilicanas
Jumapili iliyopita kwa pamoja vilimfanya Queen Darleen apoteze fahamu.
Akiongea na Bongo5, Queen amesema wakati anajiandaa kupanda stejini
alishangaa kumuona Diamond akipanda stejini na Shetta wakati alikuwa
anafahamu kuwa kaka yake huyo yupo nchini Nigeria. Amesema sababu
nyingine ni namna ukumbi ulivyokuwa umejaa kiasi ambacho hakutegemea
kama ingekuwa hivyo.
“Sikutegemea kweli kama ningepata watu wengi kiasi kile, nafikiri
katika mwaka huu tangu uanze hakuna aliyefunga rekodi zaidi yangu mimi
halafu ukizingatia mimi ni mwanamke ujue,” amesema. “Sasa kila mtu akawa
anakuja ‘hatari, kuna watu wengi sana, watu wanazidi na nafasi hakuna’
kwahiyo maneno ya watu yakawa yananichanganya, unajua kuna mtu mwingine
anakuja ‘fanya show ya uhakika’. Baada ya kumuona Nasib pale ndio nikawa
nimepata shock. Yeye ndio akaniambia ‘sikiliza nikuambi dada yangu,
usiogope usifanye nini, fanya show nzuri.”
Anasema kitendo cha kumuona kaka yake huyo kilimfanya alie machozi ya furaha kwakuwa hakutegemea kama angekuwepo kumpa support.
Ameongeza kuwa show hiyo imemfanya agundue kuwa kumbe ana mashabiki
wengi na hivyo anatakiwa kuuchukulia muziki serious zaidi kuliko
alivyokuwa akifanya mwanzo na kwamba tangu afanye show hiyo amepata simu
nyingi kutoka kwa mapromota wengine akafanye show akiwemo promota
kutoka DR Congo.
Msikilize zaidi akiongea hapa.
إرسال تعليق