Unajua Kwanini ‘STL’ alikataa kushiriki Coke Studio?

Stella Nyambura Mwangi maarufu kama ‘STL’ ni mmoja wa wasanii wachache sana wanaorap wanaofanya vizuri Nyumbani kwao Kenya na hata duniani kote. Nyimbo za STL zimeweza kutumiwa katika filamu kubwa na vipindi vya TV kama “American Pie Presents: The Naked Mile”, “Save the Last Dance 2″, “CSI: NY” na “Scrubs”. Pia ni mshindi wa tuzo tatu kubwa kama “Kisima Awards”, “Clops Awards” and “Jeermaan Awards”
STL ni mmoja wa wasanii waliopata bahati ya kuchaguliwa kujiunga na “Coke Studio”, kipindi kinachounganisha wasanii wakubwa kutoka kila kona ya Afrika. Baadhi yao ni Diamond Platinumz, Octopizzo, Lillian Mbabazi, Miss Karun na Waje kutoka nchini Nigeria.
Baada ya kuonekana katika msimu wa kwanza wa Coke Studio na kuiwakilisha vizuri Kenya, habari mpya ni kwamba “STL” hatakuwepo katika msimu wa pili wa Coke Studio kutokana na kutokubaliana na waandaaji wa show hiyo. Manager wa STL alisema ” waandaji wa Coke Studio wameshindwa kukubali kutulipa kiasi cha pesa tunachotaka wakisema hakiendani na bajeti waliyo nayo. Kwa hiyo tukaamua kuachana na show hiyo kwa sababu kurekodi show hiyo kunachukua mda sana”
Coke Studio ni show inayoandaliwa na Coca-Cola Company  ambayo huonyesha wasanii wakubwa waimba nyimbo za wasanii mbalimbali live. Ni show ya kipekee kwani huwaunganisha wasanii wanaoimba aina tofauti tofauti za mziki na kutoka nchi mbali mbali Afrika.