ASERNE WENGER HATAKI MCHEZO SAFARI HII, ATUA ATLETICO MADRID KUWINDA MASHINE YA ULINZI!

Kwenye rada: Beki wa Atletico Madrid, Javi Manquillo anatakiwa na Arsenal.

KLABU ya Arsenal inafanya jitihada za kumsajili beki wa kulia wa Atletico Madrid , Javi Manquillo.

Washika mtutu hao wa London wanataka kumsajili beki huyo wa Hispania kwa lengo la kuongeza ushindani katika nafasi ya beki wa kulia msimu ujao.

Kama watakamilisha usajili huo, basi Manquillo atachuana katika nafasi hiyo na beki waliomsaini siku chache zilizopita, Mathieu Debuchy.

Vyanzo vya habari nchini Hispania vinasema kuwa Asernal wanataka kumsajili Manquillo kwa mkopo wa muda mrefu, huku kukiwa na mawazo ya kumpa usajili wa kudumu.

Habari zinaeleza zaidi juu ya wasiwasi wa Carl Jenkinsons ambaye kwasasasa hatima yake ya baadaye katika klabu ya Asernal haijulikani ndanu ya dimba la Emirates.

Beki huyo kijana anayecheza nafasi ya kulia anawindwa na klabu ya Newcastle.

Njiani kusepa: Carl Jenkinson anaweza kuondoka Asernal na anawindwa zaidi na Newcastle