HATIMAYE DIEGO COSTA AONA MWEZI HISPANIA, AFUNGA BAO LAKE LA KWANZA TIMU YA TAIFA …De Gea aanza kumrithi Iker Casillas

MSHAMBULIAJI wa Chelsea Diego Costa amefanikwa kufunga bao lake la kwanza kwa timu ya Taifa pale Hispania ilipoifumua Luxembourg 4-0 katika mchezo wa upande mmoja wa kufuzu Euro 2016.

Kumbukumbu zinaonyesha kuwa hakuna namba 9 mwingine wa Hispania aliyechukua muda mrefu kufunga bao la kwanza kwa timu ya taifa kama ilivyomchukua Costa.

Imemchukua Costa dakika 515 kuifungia Hispania ambayo si nchi yake ya kuzaliwa.

Mshambuliaji huyo mwenye umri wa miaka 26, alifunga dakika ya 69 likiwa ni bao la tatu baada ya David Silva na Francisco Alcacer kufunga mabao mawili ya kipindi cha kwanza huku Juan Bernat akihitimisha kwa goli la dakika ya 88.

Kipa wa Manchester United David De Gea akasimama langoni ikiwa ni mwanzo wa kuanza kurithi mikoba ya Iker Casillas ambaye amekuwa kwenye kiwango kibovu kupitiliza.

Luxembourg: Joubert, Mutsch, Chanot, Martins Pereira (Turpel, 60), Philipps, Janisch, Jans, Gerson, Holter, Da Mota Alves (Payal, 75), Bensi

Spain: De Gea, Pique, Bartra, Jordi Alba, Carvajal, Busquets, Iniesta (Bernat, 72), Koke, Silva (Pedro, 71), Alcacer, Costa (Rodrigo, 83)