SEREKALI INACHUKUWA HATUA MBALIMBALI KUDHIBITI MAUJI YA TEMBO

 

Mahmoud Ahmad Arusha

SERIKALI imesema kuwa inachukua hatua mbalimbali ambazo kudhibiti mauaji ya Tembo wanazidi kuteketea na kuangamia dunia kama  ambayo yanafanywa na wachache ambao wanatamaa ya kujipatia utajiri.

Hayo yameelezwa na waziri wa Maliasili na Utalii, Lazaro Nyarandu, kwenye kilele cha matembezi ya kupinga mauaji ya Tembo na Faru yaliyoandaliwa na Chama cha waongoza watalii, TATO, yaliyofanyika jijini Arusha kwenye uwanja wa mpira wa Sheikh Amri Abeid.

Amesema mwaka 1940 duniani kulikuwa na Tembo milioni 10 , lakini kutokana na kuongezeka kwa mauaji tembo inakadiriwa  kuwa mwaka 2014 dunia kutakuwa na  tembo 4002 tu na hiyo inashiria kuwa tembo wanauliwa kwa kasi kubwa mno.

Waziri Nyalandu,amesema miaka miwili iliyopita ameshaiagiza Taasisi ya utafiti wa wanyama pori nchini TAWIRI na shirika la wanyama pori la Ujeruman, la Frank fut Zological na wadau wengine wa utalii  kufanya sensa ya tembo katika mbuga zote  nchini .

Amesema rais Kikwete, alipokuwa mjini London, Uingereza, alikutana na mtoto wa Malkia. Prince Charles, na kueleza kuwa Tanzania imeshapiga marufuku biashara ya meno ya tembo na ghala la meno ya tembo ambalo lina akiba ya tani 130,000,zitalindwa na Tanzania kwa kushirikiana na Uingereza, Umoja wa mataifa  ili kudhibiti wizi wa pembe hizo.

 Nyalandu, amesema katika kukabiliana na ujangili huo tayari serikali imeshawakamata majangili  15,412, na silaha aina mbalimbali zilizotumika kwenye mauaji ya tembo ambazo ni AK 47 ,na Automatiki rifle  ambazo zitateketezwa hivi karibuni kwa kuwa zikiachwa zinaweza kuingia kwenye mikono isiyo salama na kusababisha ujambazi

Waziri Nyalandu, ametumia fursa hiyo kuziomba nchi za China, Japan, Thailand ,Korea ya kusini ,na kaskazini ,Vietnam, kuacha kununua meno ya tembo na pembe za faru ili kuokoa mauaji ya wanyama hao

.Awali mwenyekiti wa Chama cha waongoza Utalii, TATO, Wilium Chamburo, ameiomba serikali kuangalia uwezekano wa  kuwamilikisha wanavijiji waishio kandokando ya hifadhi kumilikishwa maliasili zilizopo ili waweze kusaidia ulinzi na udhibiti wa mauaji ya tembo.