ZIKIWA ZIMESALIA SIKU CHACHE KUHUSU AGIZO LA RAIS KIKWETE LA MAABARA, MANISPAA YA MARA IMEFANYA HIVI

Na Asha Juma, MUSOMA

MANISPAA YA MJI WA MUSOMA IMETENGA KIASI CHA SHILINGI MILIONI MIA NNE NA TISA KWA AJILI YA UTEKELEZAJI WA UJENZI WA MAABARA KATIKA SHULE ZA SEKONDARI

AKIZUNGUMZA HII LEO KATIKA KIKAO CHA BARAZA LA MADIWANI MANISPAA YA MUSOMA, MWENYEKITI WA BARAZA HILO AMBAYE PIA NI MEYA WA MANISPAA, ALEX KISURURA AMESEMA BARAZA HILO LIMEBADILISHA MATUMIZI YA VIFUNGU VYA FEDHA NA KUTENGA KIASI CHA SHILINGI MILIONI MIA NNE NA TISA KWA AJILI YA UJENZI WA MAABARA KATIKA SHULE ZA SEKONDARI

PIA AMEONGEZA KUWA MBUNGE WA JIMBO LA MUSOMA MJINI, MH VICENT NYERERE AMEAHIDI KUTOA KIASI CHA FEDHA KATIKA MFUKO WA JIMBO IWAPO ATAPATA MAPENDEKEZO HAYO KUTOKA KWA WANAKAMATI WA MFUKO HUO ILI KUWEZESHA UTEKELEZAJI WA UJENZI WA MAABARA HIZO KATIKA SHULE ZA SEKONDARI MANISPAA YA MUSOMA

AIDHA MEYA ALEX KISURURA AMESEMA KUWA UJENZI WA MAABARA SIO SUALA LA KISIASA BALI JAMII INATAKIWA KUTAMBUA UMUHIMU WA ELIMU KATIKA MAENDELEO YA JAMII NA TAIFA KWA UJUMLA NA HIVYO KUWAOMBA VIONGOZI KUTOA ELIMU YA KUTOSHA KWA WANANCHI ILI WAWEZE KUTOA MICHANGO YAO KWA HIARI PASIPO SHURUTI

AWALI AKIZUNGUMZA KATIKA KIKAO HICHO MKUU WA WILAYA YA MUSOMA MJINI, JACKSON MSOME ALIWATAKA MADIWANI WOTE WA MANISPAA YA MUSOMA KUSHIRIKI KWA PAMOJA KATIKA KUWAHAMASISHA WANANCHI KUTAMBUA UMUHIMU WA UJENZI WA MAABARA HIZO NA HATIMAYE KUCHANGIA KATIKA UJENZI HUO.

UJENZI WA MAABARA KATIKA SHULE ZA SEKONDARI NI UTEKELEZAJI WA AGIZO LA RAIS JAKAYA KIKWETE ALIYEZITAKA SHULE ZOTE ZA SEKONDARI NCHINI KUWA NA MAABARA TATU KWA KILA SHULE