Washukiwa Ufaransa wapora kituo

Washukiwa wa mauaji Ufaransa

Washukiwa wa mauaji ya wachora vibonzo nchini Ufaransa, wanadaiwa kufanya wizi katika kituo cha mafuta Kaskazini mwa Ufaransa huku wakiwa mbioni kutoroka polisi.

Inaarifiwa washukiwa hao wawili ambao ni ndugu, waliiba chakula na petroli huku wakifyatua risasi hewani karibu na eneo la Villers-Cotterets.
Watu nchini ufaransa walikaa kimya kwa dakika moja kwa heshima ya watu 12 waliouawa na watu wenye silaha walipovamia gazeti moja la vibonzo la Charlie Hebdo siku ya Jumatano
Wakati huohuo, msako mkubwa wa polisi unaendelea Kaskazini Mashariki mwa Paris, ambako washukiwa waliovamia ofisi za jarida la Charlie Heblo, wanasemekana wamejificha.
Huku polisi nchini ufaransa wakiendelea kuwatafuta wanaume hao kumeripotiwa kutokea shambulizi lengini mjini Paris
Afisa wa kike wa polisi aliuawa wakati mwanamume mmoja alipompiga risasi eneo moja kulikotokea ajali ya barabarani.

Baadhi ya watu wlaiojeruhuwa katika shambulizi la kigaidi Ufaransa

Watu wengine saba wanaokisiwa kuwa na uhusiano na washukiwa hao bado wanazuiliwa na polisi.
Waziri mkuu nchini Ufaransa Manuel Valls anasema kuwa washukiwa hao (Said Kouachi na Cherif Kouachi) walikuwa wakifahamika kwa mashirika ya kijasusi.
Akiongea baada ya mkutano na rais wa ufaransa, mkuu wa chama cha upinzani cha UMP na raisi wa zamani Nicolas Sarkozy wamesema kuwa shambulizi hilo ni la kinyama