Ikicheza
kwa tahadhari kubwa, Manchester United ikahakikisha hairudii makosa,
ikaitandika Cambridge United 3-0 katika mchezo wa marudiano wa FA Cup
uliochezwa Old Trafford.
Ikiwa
bado ina kumbukumbu ya kulazimishwa sare na timu ya daraja la chini
kwenye mchezo wa kwanza wiki iliyopita, United ikatumia vizuri nafasi
zake na kujikuta inakwenda mapumziko ikiwa inaongoza 2-0 kupitia magoli
ya Juan Mata na Marcos Rojo.
Kipindi
cha pili United ikaongeza bao la tatu lilifungwa na mshambuliaji kinda
James Wilson aliyeingia dakika ya 66 kuchukua nafasi ya Van Persie.
Wilson
alifunga bao hilo dakika ya 73 baada ya kupokea pasi safi ya Herrera
kabla ya kuutulia kwa guu lake la kushoto na kuachia shuti lililokwenda
wavuni.
إرسال تعليق