Hivi ndivyo 'Panya Road' wanavyonza

Hofu  ya uvamizi wa kundi la Panya Road kwa mara nyingine iliwakumba wakazi wa Tabata Machi 10 na kusababisha shughuli mbalimbali kusimama.

Katika kupata undani wa asili ya makundi hayo ya uhalifu, mwandishi wetu amezungumza na kijana aliye katika kundi la Panya Road la Tabata, Mtaa wa Twiga, (jina linahifadhiwa) ambaye anaeleza jinsi vikundi hivyo vinavyoundwa hadi kufanya uhalifu.

 Vigodoro/mnanda/kamari

Anasema kwanza vijana huanzisha kundi la watu wachache, ambalo huanza kwa kucheza katika sherehe mbalimbali usiku, wakati mwingine whutunga nyimbo kwa madai ya kutaka kurekodi.

Baada ya vijana hao kuwa kundi kubwa huanza kupanga njama za uhalifu.

“Kwenye makundi haya, kuna wengine hawajawahi kuvuta bangi, wanajifunzia hapo, wengine hawajawahi kunywa pombe, wanajifunza hapo. Hapa ndipo tunaanza kuambiana namna ya kukaba na aina zote za kabali utazijua,” anasema.

napotokea kuna eneo lina sherehe au ngoma ya kigodoro, hapo ndipo kundi hupata kazi ya kufanya kwa sababu uhalifu hufanyika nyakati za usiku.

“Kwenye vikundi vyetu tunakuwa na umoja wenye nguvu, hatuwezi kukubali mmoja wetu akapata tatizo tukamwacha. Mwenzetu akifanyiwa kitu lazima tulipize kisasi,”anasema

Anatoa mfano tukio la uhalifu wa Machi 10 na kuuwa kwa kijana Amiri Hega (16) na kusema: “Hega sawa ameiba, lakini ‘postmorterm’ (uchunguzi wa madaktari) inaonyesha alitobolewa macho. Kwa nini wafanye hivyo?” anahoji kijana huyo mwenye umri wa miaka 22.

Mkazi wa Tabata, Kimanga, Ally Aesha au Chollo anasema makundi hayo yamesababisha ukosefu wa amani katika maeneo ya Vingunguti, Tabata, Buguruni na Segerea.

“Hapo Twiga, usijaribu kupita kuanzia saa tatu usiku. Ni hatari. Ni vijana wadogo, lakini wanaweza kukuua,” anasema Chollo.

Kauli ya RPC Wambura