ANUSA KIFO, KISA PASAKA

TAMAA ya kutaka Sikukuu ya Pasaka iwe nzuri kwa kufanya matanuzi kwa pesa za kuzipata kirahisi pasipo kutoka jasho, wiki iliyopita zilimponza kijana mmoja ambaye jina lake halikupatikana, baada ya kujikuta akichezea kichapo ‘hevi’ hadi kuvunjwa miguu, baada ya kujaribu kuiba baiskeli katika Soko la Mwembe Chai, lililopo Magomeni jijini Dar es Salaam.

Mwizi baada ya kupokea kichapo toka kwa wananchi.

Kijana huyo mkazi wa Magomeni Makuti, Dar inadaiwa alipita sokoni hapo akiwa katika mihangaiko yake ya kawaida, kabla ya kuiona baiskeli hiyo iliyompa kishawishi cha kuikwapua. Baada ya kuichukua na kuanza kuendesha, hatua chache mbele yake, pedeli moja ilichomoka, kitendo kilichomfanya ashuke na kuanza kukimbia kuogopa wananchi ambao walishaanza kumpigia kelele za mwizi.

 

Hata hivyo, hakufika mbali alizingirwa na wananchi ambao walianza kumpa kipigo, inadaiwa kuwa kijana huyo aliomba asamehewe kwa vile kilichomfanya akwapue baiskeli ni kutaka kupata pesa kwa ajili ya Sikukuu ya Pasaka itakayoadhimishwa Jumapili hii.

 

Katika kipigo hicho, mmoja wa madereva wa pikipiki alimkanyaga miguuni na kumvunja jambo lililompa maumivu makali na kumfanya azimie kabla ya wasamaria wema kuwaita polisi wa Kituo cha Magomeni ili kumnusuru kibaka huyo