FORBES AFRICA PERSON OF THE YEAR 2016: Rais Magufuli aongoza kwa kura 84

Hadi muda wa saa tisa Alasiri ya leo Oktoba 26.2016 kwa masaa ya Afrika Mashariki, tayari Rais wa Tanzania, Mh. Dk. John Pombe Joseph Magufuli ameweza kufikisha jumla ya asilimia ya kula 84 katika kuwania tuzo maalum ya Forbes.

Hata hivyo, kwa kura hizo ni hatua ya ushindi wa moja kwa moja kwani ameweza kuwaacha mbali washiriki wengine wanaowania tuzo hiyo ambayo imekuwa ikiwaniwa na watu mbalimbali katika Bara la Afrika hasa ambao wameweza kufanya mambo kwa jamii ikiwemo wafanyabishara wakubwa pamoja na wanaharakati wa haki za binadamu na Marais wa Nchi wa Bara la Afrika.

Mbali na Rais Dk. Magufuli wengne wanaowania kinyang’anyiro hicho ni pamoja na Mwanzilishi wa Capitec Bank, Michiel le Roux, Thuli Madonsela, Ameenah Gurib na watu wa Rwanda.

Sherehe maalum za tuzo hiyo zinatarajiwa kufanyika katika Jiji la Nairobi Nchini Kenya hapo Novemba 17.2016 hivyo endapo Rais Magufuli atafanikiwa kushinda tuzo hiyo, basi Tanzania itakuwa imepata tuzo hiyo kwa mara ya pili mfululizo kwani mwaka jana 2015, mshindi wa tuzo hiyo alikuwa Mkurugenzi Mtendaji na Rais wa Makampuni ya Mohammed Enterprises Tanzania Limited (MeTL Group), Mohammed Dewji ‘MO’.

Nawe unaweza kupiga kura yako kwa kuingia kwenye tovuti ya poy2016.com ambapo baada ya kuingia hapo, unaweza kugusa jina la mtu ambaye unapendekeza ashinde tuzo na hapo kura itakuwa imehesabiwa (Hii ni kwa kila kifaa kimoja yaani simu ya mkononi ama kompyuta yako).

Rais Dk. Magufuli anatimiza mwaka mmoja tokea watanzania wapige kura katika uchaguzi Mkuu wa Urais 2015, Oktoba 25 na baadae kutangazwa kuwa mshindi na kuwa Rais wa Jamhuri ya Muungano wa Tanzania.

Na Andrew Chale-dewjiblog