Vifaa
Vya Uokoaji Vilivyotumika Katika Shughuli hii iliyoleta Majonzi Makubwa
Kwa Wananchi wa Kata ya Kagongo na Kigoma Kwa Ujumla
picha
hapa ni siku ya kwanza jana(juzi) Oktoba11 huyu akiwa ni miongoni mwa
waliookolewa,Mariam Maduwa (18), Bibi harusi aliyenusurika kifo kwenye
ajali ya mitumbwi katika Ziwa Tanganyika, akiwa amelazwa Hospitali ya
Maweni, ambapo anaendelea na matibabu....hii ilikuwa ni taarifa ya jana siku ya kwanza Oktoba11...
Watu
watatu wakiwemo Watoto wawili, wamekufa maji na wengine 11 kujeruhiwa
na kulazwa katika Hospitali ya Rufaa ya Mkoa wa Kigoma, Maweni, baada ya
mitumbwi miwili waliyokuwa wakisafiria kutoka Kijiji cha Kalalangabo
kwenda Kijiji cha Kigalye kuzama katika Ziwa Tanganyika.
Tukio
hilo limetokea jana Octoba 11, majira ya saa nane mchana, katika eneo
la Kalarangabo wakati watu hao wakitoka harusini katika Kijiji cha
Mwandiga Manispaa ya Kigoma Ujiji kwenda Kigalye kabla ya mitumbwi yao
kupigwa na mawimbi na kuzama umbali wa mita 200 kutoka nchi kavu.
Bibi
harusi aliyetambulika kwa jina la Mariam Maduwa mwenye umri wa miaka
18, ni mmoja kati ya walionusurika kifo baada ya kuokolewa na mumewe
Ramadhani Hamisi, na miongoni mwa waliolazwa katika hospitali ya Maweni
kwa matibabu.
Mwingine
aliyenusurika ni Rashid Jacob ambaye hata hivyo amepoteza mtoto wake
katika ajali hiyo huku mkewe akiwa amelazwa hospitalini; alisema
mitumbwi yao ilizidiwa na idadi ya watu waliokuwemo.
“Watu
walikuwa wengi, mitumbwi ikazidiwa uwezo ndo ikawa imezama,”alisema
Jacob na kuongeza kuwa: “kama kungekuwa na barabara tungesafiri kwa
barabara lakini njia za huku kwetu usafiri wetu ni wa maji tu.”
Nae mmoja wa majeruhi wa ajali hiyo ambaye anaendelea na matibabu katika hospitali ya Maweni, Bi.Amina Ramadhani
mwenye umri wa miaka 48, anaelezea tukio hilo kuwa baada ya mitumbwi
kuzama kila mtu alikuwa akihangaika kuokoa maisha yake ndipo ukaja
mtumbwi mwingine kuwaokoa ambapo alimshukuru Mungu kwa kunusurika kifo.
Afisa
Muuguzi Msaidizi katika Hospitali ya Maweni, Tatu Simba, amesema hadi
kufikia jana majira ya saa tisa alasiri, walikuwa wamepokea miili ya
watu watatu, majeruhi 11 waliolazwa wodi namba tano.
“Katika
hao kumi na moja, wagonjwa kumi wanaendelea vizuri, lakini mgonjwa ndo
hali yake sio nzuri sana na tunaendelea kuwahudumia,”alisema Bi.Simba.
Taarifa
ya Jeshi la Polisi Mkoani Kigoma inasema watu 27 waliokolewa ingawa
inahofiwa bado kuna miili ya watu wengine haijapatikana, ambapo Kamanda
wa Polisi wa mkoa huo, ACP Jafari Mohamed, amesema shughuli ya uokoaji
inaendelea sambamba na kuchunguza tukio hilo.
“Bado
tunafuatilia na kuchunguza kwa sababu hatujui watu wangapi
walichukuliwa kwenye mitumbwi,na walipandia sehemu ambayo sio kituo
rasmi, lakini walikuwa wengi na walikuwa wanatoka kwenye sherehe ya
harusi,”alisema Kamanda Mohamed.
Marehemu aliyetambulika ni Salama Juakali, mwenye umri wa miaka 37, mkazi wa Mwandiga.
 |
Mashua ya Polisi ikiweka tayari kwa ajili ya kuingia majini kutafuta miili mingine leo Oktoba12 ikiwa ni siku ya pili tukio hili kutokea.
Wanajeshi wa JWTZ wakiwa wameleta miili katika mwalo wa Kararangabo ili ndugu kuwatambua ndugu zao
Polisi wa JWTZ wakipeleka miili ya wapendwa wenzetu katika hema maalumu ili kutambuliwa na ndugu zao
Mkuu
wa Mkoa wa Kigoma wapili kushoto alievaa suti akisaidiana na Polis wa
JWTZ katika shughuli ya kusaidi kupeleka miili ya ndugu zetu na wana
kigoma wenzetu
Miili
ya watoto wawili waliotambulika kwa majina:-Hawa Gamba mkazi wa kijiji
cha Mtanga (8) na Mahamudu Ulimwengu Mkazi wa Kijiji cha Kibirizi wakiwa
wameokolewa leo Oktoba12 ikiwa ni siku ya pili ya tukio.
Mwili wa Hawa Gwampote mkazi wa kijiji cha Mtanga (70)
Mara
baada ya tukio la uokoaji Viongozi wa Mkoa walipata fursa ya kuongea na
Wananchi wa Kijiji hiki Cha Kalalangabo katika kata ya Kagongo juu ya
tukio hili
Ikiwa
ni siku ya pili leo Oktoba12 kutokea ajali mbaya iliyohusisha mitumbwi
miwili kuzama ikiwa na watu zaidi ya 60,hapa ni mkuu wa Mkoa wa Kigoma
kanali mstaafu Issa S.Machibya wapili kushoto akizungumza na wananchi wa
kijiji cha Kalalangabo waliokuja leo hii kwa lengo la kuitambua miili
ya ndugu zao katika ajali ya mitumbwi iliyotokea jana Oktoba11,mkuu
wa mkoa ametangulia kuwapa pole ndugu waliopoteza ndugu zao katika
ajali hii,pia amewataka wananchi kuacha kutumia vyombo vya usafiri
ambavyo haviruhusiwi kisheria kubeba abiria,na
amewataka wamiliki wa mashua zilizofanya ajali ikiwa ni pamoja na
dereva muhusika kujisalimisha katika vyombo vya Dola mapema
iwezekanavyo.
mashua
(Mtumbwi) kama hii ndio iliyotumika katika kusafiria watu hawa
waliopata ajali,na jinsi unavyoiona hapa katika picha ndivyo
inavyotumika,katikati hapo huwekwa mti maalumu ili kuishikamanisha
tayari kwa safiri,kwa mujibu wa Sumatra ni kinyume na sheria za majini
kwani mashua hii hairuhusiwi kusafirisha abilia kwani hii ni mashua
nikwa ajili ya kuvulia samaki tu.
...mara
baada ya mkuu wa mkoa kuongea na wananchi nae m/kiti wa kamati ya
ulinzi na usalama Ramadhani Maneno wakwanza kulia alisema:-pamoja kuwa
ziwa hili linakina kilefu kwa mujibu wa wazoefu wa eneo hili sisi kama
serikali ya mkoa tutatumia mbinu zote kwa vifaa tulivyonavyo na waokoaji
wetu kuhakikisha miili yote inapatikana na istiriwe na ndugu zao,
akijibu
swali la mwandishi lililohoji juu ya mkanganyiko wa kutokujuwa na idadi
kamili ya wahanga,m/kiti wa kamati ya ulinzi na usalama mkoa amesema
zoezi hili linaendelea hata hiyo kesho Oktoba12 na kama alivyosema Mkuu
wa Mkoa awali kuwa watu hawa walitumia vyombo vya usafiri visivyokuwa
rasmi ikiwa ni pamoja na eneo lenyewe la kupandia (Mwalo) hivyo imekuwa
ngumu kupata idadi rasmi ila tunawaomba wananchi ambao wanahisi pengine
ndugu zao walishiriki katika sherehe hii na hawaja waona mpaka sasa
kwenda polisi kwa ajili ya maelekezo zaidi.mpaka
hatua ya mwisho leo Oktoba12 kumalizika miili (Maiti) zilizookolewa
jumla ni kumi (10),Watoto watano (5) na wakubwa watano (5) idadi hii
inajumuisha na ile ya jana.
Nikiripoti toka eneo la tukio mimi @Eliud M.Sabuhoro picha hapo juu.
Post a Comment