Mh.
John Mnyika alipokuwa akitoa maoni na kuchangia Bajeti wakati wa
kipindi cha maswali na majibu nakujikuta akiamuriwa kutoka nje Baada ya
kutoa maneno ya kashfa dhidi ya Rais na Wabunge wa Chama cha Mapinduzi
alipotakiwa kurekebisha kauli yake.
Mbunge
wa Jimbo la Ubungo kupitia tiketi ya CHADEMA Mh. John Mnyika akitoka
Bungeni baada ya Naibu Spika Job Ndugai kumuamuru atoke kbaada ya
kushindwa kufuta kauli yake ya kumuita Rais wa Jamhuri ya Muungano wa
Tanzania kuwa ni dhaifu.
Mh. John Mnyika akisindikizwa na Askari wa Bunge ambao waliamuriwa na Naibu Spika kutoka nje ya Bunge.
Mbunge wa jimbo la Ubungo kwa tiketi ya CHADEMA Mh. John Mnyika akizungumza na vyombo vya habari baada ya kutolewa Bungeni.
Baadhi ya watu waliokuwepo eneo hilo wakibaki na butwaa baada ya kumuona Mh. Mnyika akiondoka kwa jazba na kupakia taxi.
UFUATAO NI MSIMAMO WA MH. MNYIKA ALIOANDIKIA KWENYE BLOG YAKE
Msimamo wangu wa sasa juu ya Kauli yangu bungeni!
Nitatoa
tamko la kina baadae kuhusu kilichotokea lakini kwa ufupi ubovu wa
bajeti hii ni matokeo ya udhaifu wa Rais Kikwete, yeye ndiye aliyesaini
Mpango wa Taifa wa miaka mitano kama Kiongozi Mkuu wa Nchi tena kwa wino
mwekundu kama Amiri Jeshi Mkuu. Na yeye ndiye Mwenyekiti wa baraza la
mawaziri, bajeti hii iliyoacha kuzingatia mpango wa Taifa imepita kwenye
baraza alilloliongoza, pia kushindwa kutekelezwa kwa bajeti iliyopita
ni matokeo pia ya udhaifu wa taasisi ya Urais.
Pia
kwa mujibu wa Katiba Rais ndiye ambaye anapeleka bajeti bungeni, Waziri
mwenye dhamana anapeleka tu kwa niaba. Rais amepewa mamlaka makubwa juu
ya bajeti ibara ya 99 imeweka mipaka kuhusu mambo ambayo bunge lina
mamlaka nayo huku ibara ya 90 inasema bunge likikataa bajeti rais ana
mamlaka ya kuvunja bunge. Hivyo Rais Kikwete anapaswa kuagiza Waziri wa
Fedha bajeti iondolewe irudi kwenye baraza la mawaziri ikafanyiwe
marekebisho!
John Mnyika
19 Juni 2012
Chanzo:- http://dewjiblog.com
إرسال تعليق