Mwanaume akamatwa huko Oregon kwa kumnyonga mpenzi wake akitumia rasta za kichwani kwake.

Jamaa mmoja mkazi wa Portland katika jimbo la Oregon nchini Marekani amekamatwa akituhumiwa kwa makosa kadhaa iliwemo kufanya vurugu nyumbani baada ya kudaiwa kumnyonga mpenzi wake kwa kutumia rasta zake ‘dreadlocks’.

Kwa mujibu wa taarifa za polisi wa Portland, maafisa usalama walipokea ripoti kuhusu kuwepo vurugu katika nyumba, hata hivyo walipofika jamaa huyo alishatoweka na kumuacha mpenzi wake akiugulia maumivu.

Mwanamke huyo amewaambia polisi hao kuwa mpenzi wake Caleb Grotberg alikuwa amemshambulia kwa kipigo na kumyonga akitumia rasta za kichwani kwake.

Hata hivyo jamaa huyo alikamatwa muda mfupi katika maeneo jirani ya mji huo.

Caleb Grotberg mwenye umri wa miaka 32, amefunguliwa mashitaka mbalimbali ya kihalifu, ikiwemo kunyonga, kushambulia mwili na utekaji.

Mo Blog: Jamani hii ni kivingine zaidi, wenye ‘dredlocks’ tafadhalini bwana.