Dudu BAYA Mzima Kweli? Mama aliekatwa Sikio ameongea.

Baada ya sakata la msanii wa Hip Hop wa siku nyingi hapa nchini kwa tuhuma za kumkata sikio mama yake mkubwa huko mjini Mwanza leo limechukua sura nyingine baada ya mtangazaji wa kipindi cha Amplifaya cha siku ya Leo muda mchache uliopita kurusha taarifa kuhusiana na tuhuma hizo. Dudu Baya ambae alikanusha kwenye simu kuwa yeye hajafanya kitendo hicho cha kinyama na alikua Shinyanga kwenye shughuli zake na kusema kuwa hao ndugu zao hawana hata mawasiliano nao mazuri lakini ni tofauti kabisa na maneno ambayo ameongea bibi huyo.

Akiongea kwenye kipindi cha AMPLIFAYA cha mtangazaji Millard Ayo ndani ya Clouds FM bibi huyo alisema kuwa majira ya jioni Dudu Baya alifika nyumbani hapo na yeye alimkaribisha ndani na baada ya kuketi alianza kumuuliza maswali kuwa kwanini anawaroga wadogo zake na yeye alikanusha swala hilo na Dudu Baya alichukua kisu na kumkata sikio na kiasi cha kumsababishia maumivu makali sana Mama huyo. Shahidi mwingine ambae amethibitisha tukio hilo ni kijana ambae ameongea kuwa yeye anamuita DUDU BAYA baba mdogo kuwa, ni kweli kitendo hicho kilitokea na wao walimchukua bibi huyo na kumpeleka polisi kupata PF3 na kumpeleka bibi huyo hospitali kwa matibabu.

Hichi ni kitendo cha kinyama sana alichotendewa Bibi huyu na ukizingatia ni mwanamke ambaye hana nguvu za kiweza kumuhimili kipande cha baba mtu mzima kama Dudu Baya. Serikali lazima iangalie kwa makini swala hili na sio kuleta maneno ya ajabu kama aliotamka dudu baya akihojiwa kwenye radio kuwa “Mimi Polisi wote wa mwanza wananijua na namba zangu za simu wanazo”, swala hili sio la kirafiki au la kukejeri kwenye vyombo vya habari na hasa Jeshi la Polisi kuweza kuchekea maneno ya uongo anayoweza kuongea kwenye vyombo vya habari bila kuchukuliwa hatua za kisheria. WANAWAKE na bila kusahau VYAMA vya wakina MAMA nchini kote hii ndio nafasi “Fursa” ya kuweza kutumia msanii huyu kuwa mfano wa kuweza kuogopesha wengine wengi wenye unyanyasaji huu wa mwanamke mpaka kufikia kufanya na mtu ambae ni msanii na anaangaliwa kama kioo cha jamii, amepata nafasi ya kuwa kioo cha jamii ameshindwa kuitumikia hiyo na ameamua kuwa na tabia za kipumbavu katika jamii.

PICHA: Kwa hisani ya “millardayo.com”