Diddy, Dr Dre, Mayweather, Oprah, Rick Ross na wengine waonesha nia ya kuinunua L.A Clippers

Rappers Diddy, Rick Ross, Dr Dre, Nick Cannon, bondia Floyd Mayweather na malkia wa talk show, Oprah Winfrey ni miongoni mwa mastaa wa Marekani walioonesha nia ya kutaka kuinunua timu ya mpira wa kikapu ya Los Angeles Clippers.

Hatua hiyo imekuja baada ya aliyekuwa mmiliki wa timu hiyo Donald Sterling kupigwa marafuku katika maisha yake kujihusisha tena na shughuli za NBA kwa kutoa kauli ya kibaguzi wa rangi. Ingawa bado anaendelea kuwa mmiliki wa timu hiyo, kuna uwezekano mkubwa akalazimishwa kuiuza kwa watu wengine.

Orodha ya watu wanaotaka kuinunua timu hiyo imeendelea kuongezeka wakiwemo pia bondia Oscar De La Hoya, Magic Johnson na CEO wa zamani wa Microsoft, Steve Ballmer. Oprah alitangaza jana kuwa yupo kwenye mazungumzo na wafanyabiashara David Geffen na Larry Ellison kuweka dau kuinunua timu hiyo.