Sauti Za Busara, Jhikoman na AfriKabisa LiVE.

Tukiwa tunaelekea kwenye kilele cha sherehe zifanyikazo kila mwaka nchini Tabzania huko pande za visiwani Zanzibar ikiwa hushirikisha wasanii wengi sana wanaotokea pande za mashariki mwa afrika, Mwanamuziki Mkongwe wa Reggae Tanzania Jhikoman akiwa na Afrikabisa Band atakuwa ni mmoja kati ya wasanii wataofanya maonyesho Live ndani ya “Sauti Za Busara Music Festival 2014″. Huyu ni Mmoja kati ya wanamuziki wakubwa wa Muziki wa Reggae hapa nyumbani Tanzania pamoja na Afrika Mashariki akiwa ameanza kujulikana na kazi zake za muziki miaka ya 90 mwanzoni na hiyo ni zaidi ya miaka 20 akiwa anasakata gurudumu la muziki hapa nchini na nje ya nchi. Kwa sasa Jhikoman yupo katika Ziara yake ya Ulaya kufanya Maonyesho katika Nchi za mbali mbali kabla ya kurusi nchini kwa ajili ya maonyesho hayo.