CHELSEA YAPAA, MAN CITY YAPUNGUZWA KASI, SOUTHAPMTON YACHARUKA - Soma hapa matokeo ya mechi zote za Jumamosi

Chelsea imeifunga Aston Villa 2-1 katika mchezo wa Ligi Kuu huku Manchester City ikilazimisha sare ya 1-1 kwa Hull City na kufanya vijana wa Jose Mourinho waongoze ligi kwa pointi saba safi.

Hazard aliifungia Chelsea bao la kuongoza dakika ya 8 huku Okore akiisawazishia Aston Villa dakika ya 48, likiwa ni bao la kwanza la Premier League katika jumla ya masaa 11 waliyotumia katika mechi zao kadhaa zilizopita.

Dakika ya 66 Chelsea wakafunga goli la ushindi kupitia kwa beki wake Ivanovic.

Mshambuliaji mpya wa Chelsea Cuadrado alipata muda wa dakika 10 tu uwanjani pale alipoingia dakika ya 80 kuchukua nafasi ya Willian.

Mchezaji aliyetokea benchi James Milner ndiye aliyeikoa Manchester City dhid ya Hull City kwa kuifungia bao la kusawazisha katika dakika za lala salama akifuta bao la dakika ya 38 la David Meyler.

Southampton imecharuka kwa kuifunga Queens Park Rangers 1-0 kwa bao la Sadio Mane lililotinga wavuni dakika ya 90.

Matokeo ya mechi zote za Ligi Kuu zilizochezwa Jumamosi (ukiondoa wa Liverpool na Everton) ni kama ifuatavyo.

FT Tottenham Hotspur 2 - 1 Arsenal

FT Aston Villa 1 - 2 Chelsea

FT Leicester City 0 - 1 Crystal Palace

FT Manchester City 1 - 1 Hull City

FT Queens Park Rangers 0 - 1 Southampton

FT Swansea City 1 - 1 Sunderland