Chadema kuanza operesheni mpya kudai fedha za ufisadi

Mbulu. Chama cha Demokrasia na Maendeleo (Chadema) kimesema kitaendesha operesheni mpya nchi nzima ikilenga kuhamasiaha wananchi kudai kurejeshwa kwa fedha zote ambazo zimeporwa katika kashfa mbalimbali za ufisadi badala ya kuachia wahusika wajiuzulu nafasi zao au wengine kufichwa.

Imesema operesheni hiyo maalumu italenga kuuamsha umma kutovumilia kashfa mbalimbali za wizi wa rasilimali za umma zinazoibuka kila mara, lakini hatua stahiki hazichukuliwi.

Akizungumza katika mikutano ya hadhara ya Operesheni Delete CCM kwenye vijiji vya Hayderer na Luxmanda wilayani Mbulu na Babati Mjini, naibu katibu mkuu wa Chadema Zanzibar, Salum Mwalimu aliwataka wananchi wa mijini na vijijini kujiandaa kwa operesheni hiyo aliyosisitiza kuwa itasaidia kuwaondoa Watanzania katika minyororo ya ufisadi unaozidi kuwafanya wawe maskini.

Mwalimu alisema haitoshi kwa viongozi kukiri kuhusika au kulazimishwa kukubali ama kutolewa kafara ili kuiokoa serikali ya CCM kila kunapotokea kashfa kubwa ya wizi wa fedha zinazowanufaisha watu wachache na kuacha wengi wakifa kwa ‘njaa’, bali nguvu ya umma inapaswa kutumika kuwaambia watawala kuwa “imetosha”.

“Naomba kutumia fursa hii ya mikutano, kutoa kauli ya kuwataka Watanzania wenye uchungu na nchi yao kuwa tayari kwa operesheni hii maalumu ambayo italenga kudai fedha zetu zinazoibiwa, zikiwamo hizi za akauntin ya escrow,” alisema Mwalimu.

Kiongozi huyo alisema CCM inajua fedha zinazoibwa serikalini zinakwenda wapi. Alidai kuwa mojawapo ya njia za kutafuta fedha za kampeni za chama hicho ni kupitia kashfa za ufisadi, akikumbusha wizi wa fedha za EPA zilizoporwa muda mfupi kabla ya kampeni za Uchaguzi Mkuu wa 2005.

Mwalimu alikumbusha namna chama hicho kilivyoshindwa kutekeleza mkakati wake wa kujivua gamba kwa maana ya kufukuza wanachama mafisadi, lakini watuhumiwa wa ufisadi ndiyo viongozi waandamizi hadi leo, wengine wakijigamba kuwa watakuwa wagombea wa urais.

kupitia chama hicho.

Alisema CCM iliwalaghai Watanzania kwa kusema kuwa ndani ya siku 90 kitaweza kuwashughulikia viongozi na makada hao lakini hadi leo takriban miaka 4, kimeshindwa kuchukua hatua yoyote, akiongeza kuwa badala yake ufisadi unazidi kuliangamiza taifa huku wananchi wakitopea katika lindi la umaskini, maradhi na ujinga kwa kukosa huduma za msingi za jamii ambazo ni wajibu wa serikali.

Alikumbushia pia kashfa ya ujangiri hususan mauaji ya tembo ambayo yamekithiri kiasi cha kuichafua serikali kitaifa na kimataifa, kuwa yapo majina ya baadhi ya viongozi wakubwa wa CCM waliotuhumiwa kuhusika, lakini tangu walipotajwa kuhusika kwao, hakuna hatua zozote zimechukuliwa. Ambo ambalo alisema linaonesha chama hicho hakiwezi kutengana na ufisadi.

Alidai kuwa kila unapomalizika uchaguzi mmoja au unapokaribia kumekuwa na ufisadi mkubwa wa mabilioni ya fedha, unaofanyika serikalini kwa ajili ya kutafuta fedha kampeni na hususan wanaotaka kuwania kuteuliwa kugombea urais kupitia CCM.

…waliopewa zabuni hizo ambazo sasa zimegeuka kuwa mwiba kwa wazalishaji wa ndani, ni sehemu ya mkakati wa kutafuta fedha za kampeni,” alisema Mwalimu.
- Soma Zaidi Hapa(Mwananchi)