Staa katika tasnia ya Bongo Movie, Wema Isaac Sepetu.
Baada ya siku za hivi karibuni, Wema Sepetu kuamua kumwaga mboga kwa
kumfungukia shosti wake wa zamani Kajala Masanja kwa kusema si rafiki
mzuri na pia amefilisika, inadaiwa Kajala anajiandaa kumwaga ugali,
Ijumaa limetonywa.
Rafiki wa karibu wa Kajala aliyeomba hifadhi ya jina lake, alimtonya
mwandishi wetu kuwa maneno anayoyatoa Wema yanamkosesha amani mwenzake
na kwamba siku si nyingi Kajala naye atajibu mapigo.
Kajala Masanja ‘Kay’.
“Si unajua wale wanajuana vizuri, walikuwa wanafichiana siri zao,
alipofikia Wema akae mkao wa mambo yake kuanikwa, bado Kajala anatafuta
ushauri wa namna ya kujibu mashambulizi, Wema kamwaga mboga, mwenzake
atamwaga ugali,” kilinyetisha chanzo hicho.
Katika kujua ukweli wa ‘ubuyu’ huu, mwandishi wetu alifanya jitihada
za kumtafuta Kajala kupitia namba yake ya mkononi lakini kila ilipopigwa
haikupokelewa. Jitihada za kumtafuta zinaendelea ili ikiwezekana
akimwaga ugali, Ijumaa liwe la kwanza kuripoti.
Post a Comment