Bibi kamfungia msichana ndani miaka 20, watu wakahusisha na imani za kishirikina

Hii ya leo inatokea Tandale Dar ni Hekaheka inayohusu binti anaedaiwa kufungiwa ndani miaka 20 na bibi yake, watu wamehusisha tukio hilo na imani za kishirikina, taarifa ikapelekwa Ustawi wa Jamii na Polisi.

Kaka wa msichana huyo amesema mdogo wake ana matatizo ya akili, bibi  yao amekuwa mlezi wao baada ya wazazi wao kufariki.. anasema uamuzi wa kumfungia dada yake huyo ndani ni kwa sababu ana nguvu sana na wanapomuachia anafanya fujo ikiwemo kuharibu vitu na kuwapiga watu

Waianza kumfungia ndani baada ya babu yake kufariki, babu yake ndio alikuwa anakaa nae nje wakati akiwa hai.

Mjumbe wa eneo hilo amesema ni kweli binti huyo ana matatizo na wanapomuachia alikuwa anafanya fujo, wakaamua kumfungia kwa ajili ya usalama.. Mjumbe anasema suala hilo hata ustawi wa jamii Magomeni wanajua, huyo bibi sio mchawi kama watu wanavyodai.

Baadae Polisi waliamua kumchukua bibi huyo kwa usalama kutokana na watu kutaka kumchoma moto, msichana huyo aliyekuwa amefungiwa amepelekwa Hospitali ya Muhimbili kwa ajili ya matibabu