Exclusive: Mahakama ya Kisutu yamwachia huru Askofu Gwajima na wachungaji wake watatu leo

Taarifa zilizotufikia chumba cha habari cha modewjiblog zimeeleza kuwa Askofu Josephat Gwajima aliyejisalimisha Polisi Central na hatimaye kupelekwa Mahakama ya Kisutu wameachiwa huru kwa dhamana yeye pamoja na wachungaji wake watatu, jijini Dar es Salaam jioni ya leo.

Askofu Gwajima aliwataja Maaskofu hao kuwa ni Askofu Geofrey Andrew, Mchungaji George Mzava na Askofu Yeconia Bihagaze.

Hiyo ni kufuatia kushitakiwa kwa mashitaka mawili yanayowakabili likiwemo kumkashifu Askofu Pengo (Mshitaki ni Jamhuri, Mlalamikaji ni Abubakary wa Kiluvya).

Kwa upande wa tuhuma ya pili ni tuhuma za kumtorosha mtuhumiwa ambao ni hao maaskofu watatu waliotajwa hapo juu (Mshitaki ni Jamhuri).

Hiyo ni kufuatia Jeshi la Polisi lililofika nyumbani kwake alfajiri ya leo kwa lengo la kumtaka kwenda kuhijiwa makao makuu ambapo hata hivyo aliligomea kuondoka nao hadi hapo alipokuja wakili wake Peter Kibatara na kukubali wito huo waliojipeleka wao wenyewe bila kushurutishwa majira ya saa nane mchana leo.

Endelea kuperuzi modewjiblog kwa habari moto moto.